Esta fermosa andaina de 5,26 km lévanos por un dos treitos máis senlleiros do Camiño de Inverno ao seu paso pola comarca de Valdeorras, discorrendo a carón do río Sil nun entorno natural privilexiado.

Planificación e Horarios

Para facilitar o acceso ao inicio da ruta, contamos co servizo de autobús cos seguintes horarios de paso:

• 09:45 h: Parada en A Rúa. Estación de Autobuses
• 10:00 h: Parada en Barco de Valdeorras. Praza do Concello
• 10:15 h: Parada en Sobradelo. Centro Social
• 10.30 h: Pumares, praza do pobo

Itinerario da Ruta

• 10:30 h – Saída de Pumares: . Comezamos a camiñar desde Pumares, unha aldea que garda a esencia da arquitectura tradicional e a historia fluvial da zona.
• 1,6 km – As Nogueiras: Primeira parada neste pequeno núcleo de Carballeda, rodeados de castiñeiros e lousa.
• 3,8 km – A Fervenza “Milagrosa”: Un dos puntos máis espectaculares do percorrido. Un salto de auga que cativa pola súa beleza e o son relaxante da natureza en pleno esplendor primaveral.
• 12:00 h – Chegada a Sobradelo: Fin do traxecto a pé.

Visita Cultural e Gastronomía

Unha vez en Sobradelo, realizaremos unha breve visita para descubrir o seu patrimonio, onde destaca sobre todo a Ponte Nova. Esta construción do século XVII é famosa non só pola súa arquitectura de sete arcos, senón pola súa interesante historia durante a Guerra da Independencia: os veciños e as tropas locais destruíron un dos seus arcos para frear o avance do exército napoleónico, un acto de valentía que aínda se lembra hoxe en día.

Para pechar a xornada co mellor sabor de boca, desfrutaremos dunha merecida copa de viño Godello, o branco por excelencia desta terra, brindando polas paisaxes e a historia de Valdeorras.(Alojamiento Boutique A Pontevella. Los edificios que hoy albergan el alojamiento boutique A Pontevella forman parte de la historia del ayuntamiento de Carballeda de principios del siglo XX. Fue una casa de ultramarinos, en la que en ocasiones se ofrecía hospedaje, y que fueron pioneros en la zona como apicultores. Está ubicado en el entorno del puente románico de Sobradelo)